15 de novembro de 2018

Seminario "Un mar de vida para a cidadanía, traballando pola pesca responsable no Golfo Ártabro"

O GALP Golfo Ártabro Norte colabora no Seminario de sensibilización para o sector turístico: “UN MAR DE VIDA PARA A CIDADANÍA, TRABALLANDO POLA PESCA RESPONSABLE NO GOLFO ÁRTABRO”, organizado polo CEIDA (Centro de Extensión Universitaria e Divulgación Ambiental Galicia) que terá lugar o próximo sábado 24 de novembro na Casa do Pescador de Miño (sede do GALP Golfo Ártabro Norte), ás 10.00 horas.

Dirixido a: 

  • Profesionais do sector pesqueiro e marisqueiro do Golfo Ártabro: pescadores/as e mariscadores/as; persoal das confrarías de pescadores.
  • Representantes, socios/as e persoal técnico dos Grupos de Acción Local do Sector Pesqueiro
  • Persoal técnico e representantes das Administracións públicas con competencias no medio litoral.
  • Público en xeral interesado.

Acción gratuíta, para inscribirte rechea cos teus datos o formulario de inscrición do CEIDA: FORMULARIO

Máis información no 981 630 618 / ceida@ceida.org (Carmen Borobio ou Mónica Agrazo)



O CEIDA, este ano está a desenvolver un proxecto da convocatoria Pleamar denominado “Un mar de vida para a cidadanía”, co obxectivo de divulgar e poñer en valor a rica biodiversidade do Golfo Ártabro e a súa importancia para o benestar a través do concepto de servizos dos ecosistemas.

 Obxectivos: 


  • Dar a coñecer o valor da biodiversidade do Golfo Ártabro e os servizos que ofrece á sociedade.
  • Presentar experiencias e exemplos de boas prácticas de pesca ambientalmente responsable.
  • Sensibilizar ao sector pesqueiro e marisqueiro na compatibilización das súas actividades co patrimonio natural do territorio.
  • Identificar oportunidades para o desenvolvemento dunha pesca e acuicultura sustentable no litoral do Golfo Ártabro.

14 de novembro de 2018

Fene Vivo nas aulas

Demostración Oficios do Mar en Miño

📢 ⚠️Finalmente a Demostración dos Oficios do Mar coas #MariscadorasdeMiño terá lugar o vindeiro 🗓️ 23 de Novembro na 📍Praia Grande de #Miño as 🕙 11:00h.















Inscricións: maresdeexperiencias@gmail.com ou no teléfono 672 129 860

🗣️Importante: Recomendase traer botas de auga! 💦👢👢💦

13 de novembro de 2018

Demostración de oficios do mar en Pontedeume



Onte luns día 12 tivo lugar en Pontedeume o Obradoiro Demostrativo dos Oficios do Mar  das Artes de Pesca na Confraría de Pescadores de Pontedeume.












Esta actividade está incluída dentro do proxecto de cooperación"Galicia Norte, Mares de Experiencias", que é un proxecto promovido polo GALP Golfo Ártabro Norte e o GALP A Mariña - Ortegal para impulsar a cooperación interterritorial do turismo mariñeiro, dinamizando así a economía da costa norte de Galicia.


Adiantamos que o vindeiro obradoiro demostrativo será de marisqueo en Miño, o venres 23 de novembro ás 11 horas na zona da marisma da praia grande de Miño.


12 de novembro de 2018

O Galp Golfo Ártabro Norte celebrou unha xornada de familiarización para a Ruta dos Faros

15 entidades relacionadas coa industria turística coñecen os pormenores da Ruta dos Faros no territorio do GALP Golfo Ártabro Norte.




O pasado xoves 08 de novembro, celebrouse unha xornada dedicada a salientar os recursos turísticos vencellados á Ruta dos Faros de Galicia que representa aos concellos que comprende este organismo. 

Esta actividade, á que estaban convidadas todas as empresas asociadas a Mar Galaica, gozou coa representación de 15 entidades turísticas do territorio, quen deron a coñecer as potencialidades dos seus negocios e do entorno que os rodea ao resto de participantes mediante unha xornada de networking.

A creación da rede de contactos continuou durante a comida namentres se degustaba unha selección de pratos do mar no edificio do Antigo Hospicio Municipal de Ferrol. 




Ademais de crear unha rede de contactos con outros negocios da zona, as persoas participantes recoñeceron os atractivos turísticos salientados pola Ruta dos Faros nunha presentación que foi complementada con visitas interpretadas a recursos representativos do territorio: o Museo Naval e Ferrol, o Faro de Cabo Prioriño, un paseo en barco de Ferrol a Mugardos e unha visita á Aula do Mar de Ares.





As persoas participantes coñeceron de primeira man a información relativa a estes bens e ao produto turístico A Ruta dos Faros de Galicia de maneira que poderán influenciar aos seus clientes para que os visiten con fundamentados argumentos.



8 de novembro de 2018

Demostración Oficios do Mar en Pontedeume







Invitámosche a que participes desta Demostración dos Oficios do Mar que se vai celebrar en PONTEDEUME, o luns día 12 de novembro ás 12 horas.  









A quen vai dirixida? A público en xeral, empresas, asociacións, centros educativos, administracións públicas, clubes, etc.

Se estás interesad@, fainos chegar os teus datos a través do seguinte formulario: https://goo.gl/a6hib2

Se o prefires, podes reservar a túa praza enviando un correo electrónico a maresdeexperiencias@gmail.com ou contactar con nós no número de teléfono 673 472 735.

"Galicia Norte, Mares de Experiencias" é un proxecto promovido polo GALP Golfo Ártabro Norte e o GALP A Mariña - Ortegal para impulsar a cooperación interterritorial do turismo mariñeiro, dinamizando así a economía da costa norte de Galicia.

Segue o día a día deste proxecto de cooperación no que estamos participando, premendo AQUÍ

5 de novembro de 2018

FAM TRIP A RUTA DOS FAROS GALP GOLFO ÁRTABRO NORTE

O GALP Golfo Ártabro Norte convida o vindeiro xoves 8 de novembro ás empresas de Mar Galaica, do seu ámbito de actuación así como a aquelas dos territorios limítrofes, a participar nunha xornada de familiarización da Ruta dos Faros. 

Dirixido a empresas asociadas a MarGalaica, periodistas do territorio, informadores, técnicos de turismo, axencias de viaxes...

Esta actividade encádrase nun proxecto de cooperación que involucra a tódolos GALP galegos buscando converter ao persoal dos establecementos do territorio nos principais prescriptores da Ruta dos Faros. 

Para elo deseñouse un programa que contempla a visita a recursos fundamentais deste territorio complementándoas cunha xornada de traballo e unha sesión de networking que remata cun pincho de inspiración mariñeira.

As persoas interesadas en participar poderán inscribirse cubrindo o cuestionario ao que se accede premendo na seguinte ligazón:

Para facilitar a participación disporase de transporte público que sairá dende os seguintes puntos: Museo Naval de Ferrol, estación de autobuses de A Coruña, estación de autobuses de Viveiro. 

O evento contará cunha visitas ao Museo Naval de Ferrol e o Faro de Cabo Prior, e dous paseos en barco. 

PROGRAMA:
07:45 – Recollida participantes na estación de autobuses de Viveiro
08:00 – Recollida participantes na estación de autobuses da Coruña
09:00 – Visita ao Museo Naval de Ferrol
10:30 – Visita ao Faro Cabo Prior
12:00 – Xornada de traballo: Identificación dos recursos existentes e potencialidades de desenvolvemento.
13:00 – Elevator pitch
14:00 – Pincho mariñeiro
15:30 – Paseo en barco de Ferrol a Mugardos
16:00 – Visita Aula do Mar de Ares
17:30 – Volta aos puntos de recollida 
18:00 – Chegada ao Museo Naval de Ferrol
18:30 – Chegada á estación de autobuses de A Coruña
19:20 – Chegada á estación de autobuses de Viveiro



Xornadas colaborativas de turismo mariñeiro no territorio do GALP Golfo Ártabro Norte

Dentro do proxecto de cooperación Galicia Norte, Mares de Experiencias no que estamos a participar xunto co GALP A Mariña- Ortegal, no mes de outubro celebráronse dúas xornadas colaborativas de turismo mariñeiro no noso ámbito territorial.

Galicia Norte, Mares de Experiencias é un proxecto promovido polo GALP Golfo Ártabro Norte e o GALP A Mariña - Ortegal para impulsar a cooperación interterritorial do turismo mariñeiro, dinamizando así a economía da costa norte de Galicia.

Estas Xornadas Colaborativas de Turismo Mariñeiro que se celebraron estaban dirixidas principalmente a empresas de servizos turísticos, asociacións, clubes e organismos públicos.




A primeira das xornadas celebrouse no Concello de Narón o pasado 22 de outubro, no Centro de Formación Irmas Froilaz.














O dia 29 de outubro, celebrouse a segunda destas xornadas colaborativas, na Casa do Pescador do Concello de Miño.

19 de outubro de 2018

Dinamización da Anguía do Xuvia

Hoxe sae publicada na Voz de Galicia, Edición Ferrol, un dos proxectos que contan cunha subvención dos fondos FEMP 2014-2020 da convocatoria 2017 tramitados no GALP Golfo Ártabro Norte. 

O Concello de Narón conta cunha axuda do Programa FEMP 2014-2020, e que foi tramitada por este GALP na Convocatoria 2017. Este proxecto está a executarse en dúas anualidades: 2017 e 2018.





Este proxecto pretende ligar a produción das lonxas da ría Ferrol cos puntos de consumo máis importantes (o sector da restauración do Concello de Narón) a través dun programa baseado eminentemente na divulgación da gastronomía.





Poñer en valor a "Anguía do Xubia", que ten unha importante tradición nesta zona e mostrar a utilidade e as posibilidades deste produto a través dos establecementos hostaleiros, complementándose cos recursos básicos para o turismo, gastronomía e outros recursos locais (náutico-recreativos, culturais....)

El concejal de Promoción Económica, Xosé Gómez Fandiño, avanzó, por otro lado, que el 8 de noviembre se presentará el proyecto Anguía de Xuvia, con una degustación en el Café Teatro del Pazo da Cultura (19.00 horas), para todos los interesados en conocer las posibilidades culinarias de este pescado. El Concello recibió en 2017 una subvención de 42.955 euros, del Fondo Europeo Marítimo de Pesca, a través del GALP, «para realizar un traballo de campo e impulsar o consumo da anguía do Xuvia».

Podes ver a nova completa publicada hoxe no seguinte enlace: 
La hostelería de Narón ensalza el valor culinario de la anguila 

15 de outubro de 2018

Demostración Oficios do Mar en Miño e Pontedeume

Invitámosche a descubrir,  de primeira man, Oficios do Mar vixentes aínda na actualidade: redeiras, actividade conserveira, carpintería de ribeira, artes de pesca ou  marisqueo a pé distribuídos pola zona da Mariña, Ortegal ou do Golfo Ártabro Norte, a través de Visitas Demostrativas protagonizadas polos propios profesionais que manteñen viva a tradición.

Descobre as datas, horarios e lugares no noso ámbito territorial: 

  • En Miño o día 31 de outubro ás 15 horas, MARISCADORAS de Miño, coa colaboración da Confraría de Pescadores de Miño
  • En Pontedeume o día 12 de novembro ás 12 horas, ARTES DE PESCA coa colaboración da Confraría de Pescadores de Pontedeume


v. Completa Cartel Obradoiros.jpg
Se estás interesad@, fainos chegar a túa elección reservando praza a través do seguinte formulario: https://goo.gl/a6hib2

Se o prefires, podes facelo respondendo a este mesmo correo electrónico maresdeexperiencias@gmail.com ou contactar con nós no número de teléfono 673 472 735.

OLLO! Podes apuntarte a varias visitas demostrativas pero non esquezas reservar praza porque o aforo é limitado!

Galicia Norte, Mares de Experiencias é un proxecto de cooperación interterritorial promovido polo GALP A Mariña - Ortegal e o GALP Golfo Ártabro Norte que pretende potenciar o turismo mariñeiro na costa norte de Galicia. Para máis información preme aquí.


10 de outubro de 2018

Semana Europea das Rexións e Cidades 2018 en Bruselas

Hoxe día 10 de outubro, a Presidenta e a Xerente deste GALP,  están en Bruselas no centro de conferencias SQUARE participando no seminario “EU funding from the botton-up” sobre zonas costeiras innovadoras organizado pola comisión de Asuntos Naturais (NAT) do Comité Europeo das Rexións xunto a FARNET, a Rede Europea de Zonas de Pesca. 

Con Galicia como exemplo de boas prácticas, neste seminario participou a Directora Xeral de Desenvolvemento Pesqueiro da conselleira do Mar para explicar o papel dos Grupos de Acción Local de Pesca e o seu impacto na consecución de zonas de pesca sostible así coma a aplicación da Política Pesqueira Común. 


A continuación celebrouse un evento de networking, onde os participantes tiveron a oportunidade de intercambiar opinións sobre o papel dos Grupos de Acción Costeira no desenvolvemento sustentable das zonas de pesca e da aplicación da Política Pesqueira Común. Membros do Parlamento Europeo e expertos locais tamén están a participar neste seminario para debater sobre os beneficios de utilizar un enfoque dende as bases para o desenvolvemento local nas áreas costeiras, tanto rurais coma urbanas. 




Desde 2003, o Comité Europeo das Rexións (CdR), en colaboración coa Dirección Xeral de Política Rexional da Comisión Europea (DG REGIO), celebra cada ano a principios de outubro unha semana dedicada ás rexións e cidades de Europa. 




Trátase dun evento que, durante catro días, brinda a funcionarios das administracións rexionais e locais, expertos e representantes do mundo académico a posibilidade de poñer en común boas prácticas e coñecementos especializados en materia de desenvolvemento rexional e urbano.




Polo seu 16º aniversario, a Semana Europea das Rexións e das Cidades centra o seu programa na Política de Cohesión, que neste 2018 cumpre 30 anos, baixo o título “Por unha Política de Cohesión da UE máis forte máis alá de 2020”. 


9 de outubro de 2018

Seleccionados os proxectos e os centros da nova edición de "Vidas Mariñeiras"



Alumnas e alumnos dos IES de Canido (Ferrol) e Breamo (Pontedeume) comezarán esta semana a formarse nos principios básicos do audiovisual e a desenvolver os seus proxectos dentro do programa "Vidas Mariñeiras" para o curso 2018-2019. Actividade incluída dentro das actividades de animación e divulgación 2018 deste GALP, financiadas co Programa FEMP 2014-2020.






Rematado o prazo para presentar ideas relacionadas coa vida e a paisaxe na costa ou que teñan como punto de partida o retrato dos oficios vinculados ao mar, o equipo técnico de "Vidas Mariñeiras" decidiu escoller dous centros escolares do ámbito territorial do GALP Golfo Ártabro Norte. 

Os finalistas do programa, que se beneficiarán dun programa pedagóxico que os levará a desenvolver os seus proxectos cinematográficos (curtametraxes) baixo a titorización de profesionais do audiovisual, son os que seguen:

-IES Canido (Ferrol): Alumnado de 2º e 3º da ESO cun proxecto cuxo título provisional é “Actuación urxente”. A partir de testemuños de pescadores/as, mariscadores/as e a veciñanza do barrio de Caranza, reflexionarase sobre a concienciación e os efectos da contaminación da ría de Ferrol. Tamén tratará o proceso de depuración da propia ría.

-IES Breamo (Pontedeume): Alumnado de 4º da ESO cun proxecto baixo o título provisional de “Antigos labores no peirao”, arredor dos antigos traballos e oficios do porto e muelle de Pontedeume e a súa memoria.



8 de outubro de 2018

Presentación dos resultados do proxecto de cooperación CANDIEIRA en Santiago de Compostela. Encontro das Mulleres do Mar

O sábado 20 de outubro no Museo do Pobo Galego terá lugar a cita estrela de Candieira: un encontro onde as participantes deste programa, que comezara a finais de maio de 2017 e remata neste mes de outubro, amosarán os resultados de todas as accións desenvolvidas ao público e aos medios de comunicación asistentes. 

A inscrición das asistentes será a partir das 10:30 do mesmo sábado, mais é preciso confirmar a asistencia previamente no correo info@candieira.net.



Remataron no GALP Golfo Ártabro Norte, as actividades de Candieira - Rede de Mulleres do Mar. 


Neste GALP o pasado xoves día 4 despedímonos das últimas sesións de Aliadas de Candieira. Quixemos dicir cada unha de nós unha palabra que resumise o que nos achegou este proxecto. Algunhas coincidimos!

Xornadas colaborativas de TURISMO MARIÑEIRO previstas para este mes de OUTUBRO no ámbito territorial GALP Golfo Ártabro Norte

Dende Galicia Norte. Mares de Experiencias levantamos áncora para darlle a benvida ao outono a través das actividades organizadas para este mes de outubro.

Galicia Norte, Mares de Experiencias é un proxecto de cooperación interterritorial promovido polo GALP A Mariña - Ortegal e o GALP Golfo Ártabro Norte que pretende potenciar o turismo mariñeiro na costa norte de Galicia. Para máis información preme aquí

Invitámosche a que participes dalgunha das Xornadas Colaborativas de Turismo Mariñeiro que se van celebrar en: Cedeira, Viveiro, Foz, Narón ou Miño.

Tamén che ofrecemos a oportunidade de descubrir,  de primeira man, Oficios do Mar vixentes aínda na actualidade: redeiras, actividade conserveira, carpintería de ribeira, artes de pesca ou marisqueo a pé distribuídos pola zona da Mariña, Ortegal ou do Golfo Ártabro Norte, a través de Visitas Demostrativas protagonizadas polos propios profesionais que manteñen viva a tradición.



Se estás interesad@, fainos chegar a túa elección reservando praza a través do seguinte formulario: https://goo.gl/a6hib2

Se o prefires, podes reservar a túa praza no correo electrónico maresdeexperiencias@gmail.com ou ben contactar a través do teléfono 
673 472 735.


OLLO! Podes apuntarte a varias xornadas colaborativas e diferentes visitas demostrativas pero non esquezas reservar praza porque o aforo é limitado!

4 de outubro de 2018

Continúan as visitas da Ameixa Tareixa aos centros escolares do ámbito territorial do GALP Golfo Ártabro Norte

💓💓Continúan as visitas da Ameixa Tareixa aos centros do golfo ártabro, co programa "Ondas de ilusións: Escolas do mar". 

Despois do éxito da campaña no curso pasado, o Grupo de Acción Local do Sector Pesqueiro (GALP) Golfo Ártabro embárcouse nunha nova edición do proxecto educativo “ONDAS DE ILUSIÓNS: ESCOLAS DO MAR 2017-2018”. Co comezo do curso escolar en setembro, retomamos as actividades nos distintos centros escolares.

As nenas e nenos do CPI Castro Baxoi de Miño saben moito do mar e as súas ameazas! 👍👍 





👉👉👉Así é que aproveitaron ben a actividade para coñecer un pouco máis da realidade do litoral ártabro e das persoas que traballan nel. 









Segue o día a día da nosa Campaña Escolar na súa páxina web:

25 de setembro de 2018

Rematan as xornadas de difusión do proxecto de cooperación Galicia Norte, Mares de Experiencias


Onte luns día 24, estivemos acompañando ao equipo técnico que está traballando no proxecto de cooperación Galicia Norte, Mares de Experiencias, na última xornada de difusión deste proxecto no noso territorio. Iniciativa promovida polo GALP Golfo Ártabro Norte e o GALP A Mariña Ortegal a través do Programa FEMP 2014-2020.





A xornada celebrouse no Centro Comunitario Casas da Mariña, no Concello de Narón, onde se lles explicou aos asistentes (empresas do sector turístico, da hostalería e restauración), como participar nesta interesante iniciativa posta en marcha no noso territorio. En breve, iniciaránse as actuacións previstas dentro deste proxecto.


Os obxectivos deste proxecto son:
  • Dinamizar os axentes turísticos locais que poidan verse beneficiados polas rutas turísticas creadas "Galicia Norte, Mares de Experiencias" a través de: 
    • Xornadas de NETWORKING para a integración do tecido empresarial nas rutas turísticas.
    • Unha visita de ASESORAMENTO INDIVIDUALIZADO, ás empresas seleccionadas que contribúa á mellora da calidade turística.   
  • Implicar á poboación local nos valores mariñeiros do territorio a través de OBRADOIROS DEMOSTRATIVOS dos oficios vinculados ao mar e ao territorio.
Beneficios para os participantes: 
  • Formar parte dunha marca con proxección internacional: Galicia Norte, Mares de Experiencias.
  • Maior visibilidade no territorio.
  • Promoción en redes sociais
  • Asesoramento empresarial personalizado
  • Colaboración empresarial

Se estás interesad@ en participar, segue esta ligazón para adherirte ao programa : 

Segue o día a día deste proxecto a través das redes sociais: FACEBOOK

18 de setembro de 2018

Intercambio de Experiencias con outros Grupos de Acción Local do Sector Pesqueiro: Flag Quimper Cornouaille Developpement

Unha delegación do GALP Golfo Ártabro Norte, foi recibida onte polos representantes do GALP Quimper Cornouaille, na Bretaña Francesa, para compartir durante tres días experiencias sobre o aproveitamento dos fondos europeos para o desenvolvemento do sector pesqueiro.


Entre outros, visitaron un proxecto proxecto posto en marcha coas axudas do FEAMP: Haliòtika, citè de la pêche en mer (http://www.haliotika.com/); unha empresa de conservas familiar que leva en funcionamento dende 1920,  a Conserverie Compagnie Bretonne (https://www.lacompagniebretonne.fr/).

Para hoxe martes día 17, estarán en Douarnenez donte está programada unha visita ao Museo Pòrt Museè (http://www.port-musee.org/) ; outra a un centro de formación de carpintería de ribeira, Les Ateliers de l'Enfer (http://www.lesateliersdelenfer.fr/) e ao Porto Pesqueiro de Rosmeur.

Tamén aproveitando a visita do noso GALP á Bretaña Francesa, hoxe no Auditorium de Quimper, presentaran a "Red de Espacios Museísiticos Atlánticos" ante os representantes dos Museos Marítimos de Cornouaille (Francia). O obxecto desta presentación é convidalos a adherirse a esta Rede, explicar os obxectivos do proxecto, o protocolo de adhesión e as ventaxas desta rede, que xa conta con oito exposicións galegas e un museo adherido en Portugal.

"REMA" es la primera red europea especializada en contenidos de cultura y patrimonio marinero del Atlántico Europeo y, hasta el momento, cuenta con ocho exposiciones gallegas (Arquivo da Pesca da Confraría de Caión, Museo do Mar de Laxe, Museo de Man de Camelle, Pozo do Cachón en Muros, Ecomuseo Forno do Forte de Malpica, Museo da Pesca de Fisterra, Fábrica de Sel de Muros, Museo Museo Marea de Porto do Son) y el Museu Marítimo de Ílhavo (Portugal).

Esta iniciativa está incluída dentro do Proxecto de Cooperación no que estamos participando xunto con outros GALP galegos, de Andalucia, Islas Canarias e Portugal:

Xornada Difusión Narón. Galicia Norte, Mares de Experiencias

"Galicia Norte, Mares de Experiencias" é un proxecto de cooperación entre o GALP A Mariña-Ortegal e o GALP Golfo Ártabro Norte. Nace coa intención de visibilizar a cultura ligada ao patrimonio mariñeiro a través do turismo. 
Anímaste?

Dende Galicia Norte. Mares de Experiencias partimos de novo para darlle continuidade á nosa travesía cunha Xornada Informativa que terá lugar o vindeiro luns 24 de setembro no Centro Comunitario Casas da Mariña, en Narón, ás 18:00 horas.
Nesta xornada poderás coñecer as actividades que se van realizar no marco do proxecto, os obxectivos e os beneficios de adhesión e participación no mesmo.
Para facilitar a chegada ao centro, engadimos a ligazón co mapa do acceso: https://goo.gl/maps/AtXBESfmqAv

Podes seguir este proxecto a través das Redes Sociais:

Equipo Técnico Galicia Norte. Mares de Experiencias
Teléfonos contacto: 670 253 026 / 673 472 735



Un concurso dirixido ao alumnado premia as mellores ideas sobre o mar e a vida nel para despois filmalas



Por segundo ano o programa audiovisual Vidas Mariñeiras chega aos concellos do Golfo Ártabro Norte. O prazo para que grupos de alumnos e alumnas de 3º e 4º da E.S.O e 1º de Bacharelato, presenten ideas relacionadas coa vida e a paisaxe na costa ou que teñan como punto de partida o retrato dos oficios vinculados ao mar remata o 3 de outubro.






Ata o próximo mércores 3 de outubro, o alumnado de 3º e 4º da ESO e de 1º Bacharelato dos concellos que abranxe o GALP Golfo Ártabro Norte (Ares, Cabanas, Fene, Ferrol, Miño, Mugardos, Narón, Neda, Paderne e Pontedeume) pode presentar proxectos audiovisuais enfocados á realización dunha curtametraxe.

Trátase do programa pedagóxico Vidas Mariñeiras, convocado polo Grupo de Acción Local do Sector Pesqueiro Golfo Ártabro Norte no marco das actividades que está organizando este ano 2018 a través do Fondo Europeo Marítimo e de Pesca (FEMP 2014-2020) co obxectivo de dinamizar e poñer en valor o litoral da súa área.

Vidas Mariñeiras contempla a selección, titorización e desenvolvemento de proxectos cinematográficos a cargo de profesionais do audiovisual nun programa formativo dunhas 50 horas, repartidas en varias sesións ao longo dos meses de outubro e novembro. O resultado: curtametraxes elaboradas polo propio alumnado que poderán ser de ficción, documentais ou experimentais e que terán como tema o medio mariño e todo o que o rodea.

Máis información na páxina web: Vidas Mariñeiras

3 de setembro de 2018

Restauración do Dique de Mareas de A Cabana

Hoxe sae publicada na Voz de Galicia, Edición Ferrol, un dos proxectos que contan cunha subvención dos fondos FEMP 2014-2020 da convocatoria 2017 tramitados no GALP Golfo Ártabro Norte. 



O Dique "A Cabana", único civil que se coñece en toda Europa, e que ten un alto valor patrimonial e cultural,  estivo ligado nos seus orixes, e en boa parte da súa existencia, á actividade de asteleiro e carpintería de ribeira.






O Concello de Ferrol conta cunha axuda do Programa FEMP 2014-2020, e que foi tramitada por este GALP na Convocatoria 2017. Este proxecto está a executarse en tres anualidades: 2017, 2018 e 2019.

  • Limpeza e recuperación dun borde marítimo hoxe en estado de abandono e en desuso, mellorando notablemente as condicións medioambientais da ribeira da ría ferrolá.
  • Recuperación e divulgación da cultura e tradicións mariñeiras.
  • Creación dun espazo de intepretación das actividades e tradicións mariñeiras que permitirá potenciar o seu coñecemento e concienciar á sociedade da importancia das actividades relacionadas co mar.


"Las obras que, según el Ayuntamiento de Ferrol, tratan de poner en valor el patrimonio litoral de Ferrol, incluirán además de la limpieza de los muros y fondo del Dique, actuaciones en el muelle, en la explanada y en dos de las edificaciones." Concello de Ferrol

Podes ver a nova completa publicada hoxe no seguinte enlace: Arranca la rehabilitación del Dique


31 de agosto de 2018

Sesión Saberes e Sabores: Xornada Dinamización do Produto Mariñeiro a través da gastronomía



"Rede de apoio e promoción das mulleres do mar"

O próximo mércores 5 de setembro ás 17.30 horas na Casa do Pescador de Miño, celebrarase a última sesión de SABERES E SABORES, que consistirá nunha xornada de valoración e debate sobre a dinamización do produto mariñeiro a través da gastronomía e que contará coa participación de Paco Manrique, da Sociedade Cultural e Gastronómica 'A Troita Armada'

Máis información chamando ao 981784417


Dentro do proxecto de cooperación CANDIEIRA - Rede de Mulleres do Mar, no que está este GALP participando, está posto en marcha un dobre programa para mulleres do mar e emprendedoras que queiran iniciar proxectos empresariais ou asociativos: EMBARCA, programa de formación e asesoramento, e ALIADAS, programa de intercambio de coñecemento e impulso do asociacionismo.

Páxina web do proxecto: CANDIEIRA

Produto Turístico "Remo tradicional no Golfo Ártabro Norte"

O remo tradicional, mais aló das súas connotacións deportivas, ten outras relacionadas coa súa vinculación aos oficios do mar. 
As primeiras regatas de remo en Galicia e no Cantábrico nacen por imitación ás situacións de competición que se daba entre os mariñeiros e por ese motivo durante moitos anos e en moitos pobos a súa práctica está ligada ás Confrarías de Pescadores.






O Club de Remo de Ares conta cunha axuda do Programa FEMP 2014 -2020 nesta Convocatoria 2018, e que foi tramitada por este GALP, para a creación dun produto turístico de remo tradicional no territorio do GALP Golfo Ártabro Norte. Este produto turístico será sustentable, socialmente responsable, auténtico, de calidade, innovador e diferenciado, e pretende afianzar o posicionamento deste destino como territorio de natureza e deporte.

As actividades previstas dentro deste proxecto son as seguintes:

1. Coordinación e captación de participantes

2. Iniciación ao remo indoor

3. Remo no mar

Para levar a cabo este proxecto, preténdese comprar unha traineriña de carbono e remos, un batel de fibra de carbono e remos e remoergómetros; así como está prevista a contratación dunha asistencia técnica para a coordinación e captación de participantes.

"Dende o equipo promotor deste proxecto entendemos que a creación deste proxecto de turismo deportivo de remo tradicional co obxectivo de posicionar o Concello de Ares, e a todo o territorio do GALP Golfo Ártabro Norte, como referente de remo tradicional contríbúe ao logro da prioridade cuarta do FEMP de aumentar o emprego e a cohesión territorial mediante o fomento do crecemento económico, a inclusión social, a creación de emprego e o apoio á empregabilidade e á mobilidade laboral nas comunidades pesqueiras e acuículas, incluíndo a diversificación das actividades realizadas no marco da pesca e respecto doutros sectores da economía marítima. Entendemos que o Produto Turístico de Remo Tradicional pode ser un referente nos territorios de pesca de Europa, de proxecto que contribúa á cohesión territorial mediante o fortalecemento e apoio a todo o tecido do remo, que xa é incipiente neste territorio e, polo tanto, pode ser un pulo á creación de novos empregos". Club de Remo de Ares

30 de agosto de 2018

Resolución da Dirección Xeral de Desenvolvemento Pesqueiro, sobre a realización da segunda fase da Convocatoria 2018. Programa FEMP 2014-2020


A Dirección Xeral de Desenvolvemento Pesqueiro, publicou o 29 de agosto de 2018 unha resolución sobre a realización da segunda fase da convocatoria 2018 da adxudicación de axudas ao abeiro das EDLP aprobadas aos GALP, onde resolven:

  • Non realizar unha nova fase de adxudicación de axudas para a convocatoria 2018 ao existir unha lista de agarda que esgotaría o crédito da anualidade 2018.
  • Aquelas solicitudes que non puidesen ser atendidas no período correspondente por falta de crédito poderán ser tomadas en consideración no período seguinte, no caso de que o solicitante faga manifestación expresa nese sentido, sen que isto supoña preferencia ningunha como criterio de selección.
  • Os proxectos cun investimento material e con acta de non inicio incluídos en lista de agarda que non sexan finalmente subvencionados por falla de crédito, poderán terse en conta na convocatoria inmediata seguinte, se así o manifesta o promotor. 




"O prazo de presentación de solicitudes está aberto todo o ano"



As solicitudes de axudas poderán ser presentadas ao longo de todo o período do programa operativo 2014-2020 ata o 1 de marzo de 2020.

Coas solicitudes presentadas ata o 1 de marzo de cada ano, realizarase unha primeira fase de adxudicación de axudas, polo que a próxima será o 1 de marzo de 2019.

29 de agosto de 2018

Rehabilitación edificio municipal "Alboio de Quinín" para espazo de interpretación e exposición de actividades tradicionais mariñeiras

"La puesta a punto del «alboio de Quinín» contribuirá a la recuperación del patrimonio cultural marítimo. No en vano, explica el Alcalde de Ares que albergará una exposición acerca de las tareas relacionadas con las artes de pesca propias de Redes, las cabrias. Un término que se refiere a los armazones de madera que utilizaban los marineros de la villa para secar las redes -hechas de hilo de algodón- y evitar así que se pudrieran". Julio Iglesias Redondo, Alcalde do Concello de Ares.


"Permitirá mostrar la importancia de la vida marinera en la historia de este puerto con encanto, y con un marcado atractivo turístico".

O Concello de Ares conta cunha axuda do Programa FEMP 2014 -2020 nesta Convocatoria 2018, e que foi tramitada por este GALP, para a creación dun centro de interpretación e de estudo, contribuíndo á diversificación da oferta turística de Ares, fomentado a educación, a recuperación ambiental e o coñecemento desta contorna única no territorio do GALP Golfo Ártabro Norte. Este proxecto desenvolverase en dúas anualidades 2018 e 2019.

Os resultados que se pretenden unha vez executada e posta en marcha esta iniciativa, entre outros son:
  • Dar a coñecer unha tarefa, o das cabrias, pouco coñecida fóra deste territorio e que corre o perigo de caer no esquecemento debido ao cambio dos materiais e os avances no undo da pesca, por iso é tan importante recompilar o coñecemento relacionado co traballo do mariñeiro e facelo accesible á sociedade.
  • Facer partícipe á poboación dos problemas ambientais do mar e da súa futura recuperación a través dunha xestión máis sustentable e actividades de educación ambiental.
  • Impulsar a toma de conciencia sobre a importancia do papel da vida mariñeira e do mar na historia e na cultura do territorio, especialmente nun pobo que toma o seu nome das propias artes, Redes.
  • Obter un recurso turístico que tamén pode fomentarse xunto con outros produtos turísticos complementarios ao de "sol e praia"
Podes ver no seguinte enlace a nova publicada na Voz de Galicia, Edición Ferrol o pasado 7 de maio: