31 de agosto de 2018

Sesión Saberes e Sabores: Xornada Dinamización do Produto Mariñeiro a través da gastronomía



"Rede de apoio e promoción das mulleres do mar"

O próximo mércores 5 de setembro ás 17.30 horas na Casa do Pescador de Miño, celebrarase a última sesión de SABERES E SABORES, que consistirá nunha xornada de valoración e debate sobre a dinamización do produto mariñeiro a través da gastronomía e que contará coa participación de Paco Manrique, da Sociedade Cultural e Gastronómica 'A Troita Armada'

Máis información chamando ao 981784417


Dentro do proxecto de cooperación CANDIEIRA - Rede de Mulleres do Mar, no que está este GALP participando, está posto en marcha un dobre programa para mulleres do mar e emprendedoras que queiran iniciar proxectos empresariais ou asociativos: EMBARCA, programa de formación e asesoramento, e ALIADAS, programa de intercambio de coñecemento e impulso do asociacionismo.

Páxina web do proxecto: CANDIEIRA

Produto Turístico "Remo tradicional no Golfo Ártabro Norte"

O remo tradicional, mais aló das súas connotacións deportivas, ten outras relacionadas coa súa vinculación aos oficios do mar. 
As primeiras regatas de remo en Galicia e no Cantábrico nacen por imitación ás situacións de competición que se daba entre os mariñeiros e por ese motivo durante moitos anos e en moitos pobos a súa práctica está ligada ás Confrarías de Pescadores.






O Club de Remo de Ares conta cunha axuda do Programa FEMP 2014 -2020 nesta Convocatoria 2018, e que foi tramitada por este GALP, para a creación dun produto turístico de remo tradicional no territorio do GALP Golfo Ártabro Norte. Este produto turístico será sustentable, socialmente responsable, auténtico, de calidade, innovador e diferenciado, e pretende afianzar o posicionamento deste destino como territorio de natureza e deporte.

As actividades previstas dentro deste proxecto son as seguintes:

1. Coordinación e captación de participantes

2. Iniciación ao remo indoor

3. Remo no mar

Para levar a cabo este proxecto, preténdese comprar unha traineriña de carbono e remos, un batel de fibra de carbono e remos e remoergómetros; así como está prevista a contratación dunha asistencia técnica para a coordinación e captación de participantes.

"Dende o equipo promotor deste proxecto entendemos que a creación deste proxecto de turismo deportivo de remo tradicional co obxectivo de posicionar o Concello de Ares, e a todo o territorio do GALP Golfo Ártabro Norte, como referente de remo tradicional contríbúe ao logro da prioridade cuarta do FEMP de aumentar o emprego e a cohesión territorial mediante o fomento do crecemento económico, a inclusión social, a creación de emprego e o apoio á empregabilidade e á mobilidade laboral nas comunidades pesqueiras e acuículas, incluíndo a diversificación das actividades realizadas no marco da pesca e respecto doutros sectores da economía marítima. Entendemos que o Produto Turístico de Remo Tradicional pode ser un referente nos territorios de pesca de Europa, de proxecto que contribúa á cohesión territorial mediante o fortalecemento e apoio a todo o tecido do remo, que xa é incipiente neste territorio e, polo tanto, pode ser un pulo á creación de novos empregos". Club de Remo de Ares

30 de agosto de 2018

Resolución da Dirección Xeral de Desenvolvemento Pesqueiro, sobre a realización da segunda fase da Convocatoria 2018. Programa FEMP 2014-2020


A Dirección Xeral de Desenvolvemento Pesqueiro, publicou o 29 de agosto de 2018 unha resolución sobre a realización da segunda fase da convocatoria 2018 da adxudicación de axudas ao abeiro das EDLP aprobadas aos GALP, onde resolven:

  • Non realizar unha nova fase de adxudicación de axudas para a convocatoria 2018 ao existir unha lista de agarda que esgotaría o crédito da anualidade 2018.
  • Aquelas solicitudes que non puidesen ser atendidas no período correspondente por falta de crédito poderán ser tomadas en consideración no período seguinte, no caso de que o solicitante faga manifestación expresa nese sentido, sen que isto supoña preferencia ningunha como criterio de selección.
  • Os proxectos cun investimento material e con acta de non inicio incluídos en lista de agarda que non sexan finalmente subvencionados por falla de crédito, poderán terse en conta na convocatoria inmediata seguinte, se así o manifesta o promotor. 




"O prazo de presentación de solicitudes está aberto todo o ano"



As solicitudes de axudas poderán ser presentadas ao longo de todo o período do programa operativo 2014-2020 ata o 1 de marzo de 2020.

Coas solicitudes presentadas ata o 1 de marzo de cada ano, realizarase unha primeira fase de adxudicación de axudas, polo que a próxima será o 1 de marzo de 2019.

29 de agosto de 2018

Rehabilitación edificio municipal "Alboio de Quinín" para espazo de interpretación e exposición de actividades tradicionais mariñeiras

"La puesta a punto del «alboio de Quinín» contribuirá a la recuperación del patrimonio cultural marítimo. No en vano, explica el Alcalde de Ares que albergará una exposición acerca de las tareas relacionadas con las artes de pesca propias de Redes, las cabrias. Un término que se refiere a los armazones de madera que utilizaban los marineros de la villa para secar las redes -hechas de hilo de algodón- y evitar así que se pudrieran". Julio Iglesias Redondo, Alcalde do Concello de Ares.


"Permitirá mostrar la importancia de la vida marinera en la historia de este puerto con encanto, y con un marcado atractivo turístico".

O Concello de Ares conta cunha axuda do Programa FEMP 2014 -2020 nesta Convocatoria 2018, e que foi tramitada por este GALP, para a creación dun centro de interpretación e de estudo, contribuíndo á diversificación da oferta turística de Ares, fomentado a educación, a recuperación ambiental e o coñecemento desta contorna única no territorio do GALP Golfo Ártabro Norte. Este proxecto desenvolverase en dúas anualidades 2018 e 2019.

Os resultados que se pretenden unha vez executada e posta en marcha esta iniciativa, entre outros son:
  • Dar a coñecer unha tarefa, o das cabrias, pouco coñecida fóra deste territorio e que corre o perigo de caer no esquecemento debido ao cambio dos materiais e os avances no undo da pesca, por iso é tan importante recompilar o coñecemento relacionado co traballo do mariñeiro e facelo accesible á sociedade.
  • Facer partícipe á poboación dos problemas ambientais do mar e da súa futura recuperación a través dunha xestión máis sustentable e actividades de educación ambiental.
  • Impulsar a toma de conciencia sobre a importancia do papel da vida mariñeira e do mar na historia e na cultura do territorio, especialmente nun pobo que toma o seu nome das propias artes, Redes.
  • Obter un recurso turístico que tamén pode fomentarse xunto con outros produtos turísticos complementarios ao de "sol e praia"
Podes ver no seguinte enlace a nova publicada na Voz de Galicia, Edición Ferrol o pasado 7 de maio: 


28 de agosto de 2018

Marmar Outdoor, S.L. Actividades náutico deportivas e no medio natural




"Creemos que es el momento de ofrecer toda nuestra experiencia tanto de nuestros viajes, como organizativa, a todos los públicos, así como dar a conocer nuestra tierra, y las enormes posibilidades que tiene para la práctica de deportes en la naturaleza, de una manera limpia y sostenible".





"Creemos que esta es la única forma de poner en valor nuestro patrimonio natural, y de concienciar a la sociedad para su conservación" Pablo López y Victor Picos.  

Esta empresa de nova creación no Concello de Paderne, contou cunha axuda do Programa FEMP 2014-2020 nesta Convocatoria 2018, tramitada por este GALP.
Os dous socios traballarán directamente na propia empresa, co obxectivo de cubrir un oco no sector do turismo activo, así como de eventos deportivos que existe na zona costeira comprendida entre Ferrol e Paderne. Promoverá actividades relacionadas co mar, poñendo en valor esta parte de litoral e fomentará a mellora do tecido turístico nesta área, así como facilitará sinerxias co resto de empresas do sector servizos da zona. Algunhas das actividades que ofertarán:
  • Actividades náuticas de kaiak de mar.
  • Actividades de rutas de sendeirismo guíadas
  • Eventos deportivos no medio natural e acuático.
  • Microeventos relacionados co mar e co kaiakismo


Esta iniciativa pode considerarse novidosa neste ámbito territorial, xa que non existe practicamente oferta de empresas do sector turistico neste territorio con este tipo de actividades. 
Ofertaránse novos servizos de ocio para os turistas, con actividades que axuden a coñecer o territorio costeiro, promovendo o aproveitamento dos recursos tanto mariños como patrimoniais, así como os relacionados co Camiño de Santiago. 


Promoveranse sinerxias co sector hostaleiro, xa que se pretende ofertar paquetes turísticos, que inclúan actividades no mar e na natureza e aloxamento e restauración.

27 de agosto de 2018

Outro xeito de ver e coñecer a Ría de Ferrol e o Camiño Inglés

«Conocimos la subvención y diseñamos un proyecto a medida, que beneficiará al club, al contar con más material, y reforzará la oferta turística». De hecho, entre los retos del Galp figura «dar impulso aos servizos vinculados ao Camiño de Santiago». 
La iniciativa busca dar a conocer el paisaje de la ría y el trabajo de los mariscadores

O Club de Piragüismo de Narón, ten aprobada unha axuda do Programa FEMP 2014-2020 nesta Convocatoria 2018, tramitada neste GALP, para a realización de dúas rutas guiadas de kaiak de mar durante todo o ano por toda a Ría de Ferrol, incluíndo o tramo do Camiño Inglés:
  • Ruta do marisqueo pola Ría de Ferrol: percorrido polas Confrarías da Ría de Ferrol, bancos marisqueiros e asteleiros da zona, coñecendo a súa historia e etado actual.
  • Ruta do Camiño Inglés: percorrido do Camiño Inglés no seu tramo costeiro, paralelo ao Camiño por terra.

Nestas rutas foméntase o turismo sustentable nas zonas de costa, potenciando o patrimonio pesqueiro ligado á Ría de Ferrol, fomento dos deportes náuticos, respectuosos co medio ambiente, visitas a elementos relacionados co sector pesqueiro e mariñeiro así como xeración de información de todo o visitado.

Esta iniciativa céntrase fundamentalmente na promocion do deporte náutico como dinamizador do turismo, e permitirá dar a coñecer a parte interior da ría de Ferrol e, en paralelo, as actividades económicas vinculadas ao mar.

Podes ver no seguinte enlace a nova publicada na Voz de Galicia, Edición Ferrol o pasado 12 de agosto:


El Club de piragüismo de Narón activará hacia finales del verano rutas gratuitas para realizar a través de la vía marítima el tramo entre Curuxeiras y Xuvia

23 de agosto de 2018

Depuradora de mariscos - Centro de Expedición. Confraría de Pescadores de Ferrol

Hoxe sae publicada na Voz de Galicia, Edición Ferrol, outro dos proxectos que contan cunha subvención dos fondos FEMP 2014-2020 na convocatoria 2018. 

"Con las obras previstas, tal y como señala la patrona mayor, la cofradía podrá comprar el producto fresco capturado por los socios y el resto de profesionales en la subasta para posteriormente depurarlo, etiquetarlo, empaquetarlo, para que pueda ser distribuido entre el público en general. «Previsiblemente será beneficioso para el sector pues permitiría reforzar los ingresos, al mejorar los precios de venta de los productos», sostiene Isabel Maroño".
No seguinte enlace pódese ler a nova completa:

Hostal La Terraza de Miño

A Consellería do Mar da Xunta de Galicia, a través do GALP Golfo Ártabro Norte apoiou a posta en marcha deste establecemento cos fondos da UE-FEMP (Fondo Europeo Marítimo e de Pesca), na convocatoria 2017.
O principal activo do emprendemento é aumentar a oferta de prazas de aloxamento nun municipio de interese turístico onde escasean; e a vez, que dende o aloxamento se promova e difunda os lugares de interese da zona, con información e asesoramento personalizado o viaxeiro.
Este proxecto de emprendemento, promovido por unha muller quere formar sinerxías con outros axentes na promoción do turismo mariñeiro para transformar o lecer e o turismo activo: experiencias no entorno marítimo, deportes acuáticos, gastronomía local e paisaxe atlántico como valores do noso destino.

As instalacións contan con 23 dormitorios con baño propio e zonas comúns, unha área de aparcamento gratuíto e Wifi en todas as habitacións. Coas últimas reformas en 2017 elimináronse barreiras arquitéctonicas e adaptouse un dormitorio para persoas con mobilidade reducida. Contan tamén cun novo comedor deseñado para servir almorzos-buffet.

O Concello de Miño ten unha localización privilexiada de gran valor paisaxístico e natural entre As Fragas do Eume e a Reserva da Biosfera Mariñas Coruñesas e Terras do Mandeo, con opcións gastronómicas atractivas nun entorno mariñeiro.



Máis información: Hostal - La Terraza

Publicado o boletín nº 11 da Red Española de Grupos de Pesca


Neste número, recollénse as principais cuestións tratadas durante a Sesión Plenaria anual da REGP "Transformando o futuro a través da DLP", celebrada o pasado mes de maio en Valencia. 
Asemesmo, profundizase nos principais contidos da XVII Reunión de Autoridades e Redes Nacionais, celebrada en Bruselas no mes de abril, e sinalánse algunhas das particularidades da Proposta de Regulamento do novo FEMP para o período de programación 2021-2027, presentado pola Comunidade Europea o pasado mes de xuño.

Apartamentos Turísticos "Camino do Mar" e "Auga"

Aloxamentos con encanto que están por chegar

O martes día 22 a Voz de Galicia, Edición Ferrol, fíxose eco de dúas iniciativas financiadas co Programa FEMP 2014-2020, tramitadas dende este GALP.



Apartamentos Turísticos "Camino do Mar", un novo establecemento hostaleiro de características innovadoras e únicas no territorio, vinculado coa tradición mariñeira, natural, cultural, patrimonial e turística do Camiño Inglés. Aprobado na Convocatoria 2018,
Para a posta en marcha deste proxecto, estase a rehabilitar e adaptar un inmoble do século XIX, que está na rúa da Pescadería nº 48 do Concello de Pontedeume, estando prevista a súa apertura para finais do 2019.


Apartamentos Turísticos "Auga", en Barallobre, Concello de Fene, aprobado na Convocatoria 2017, xa en funcionamento. 
Fátima Ameneiro unha muller menor de 40 anos, descendente de familia vinculada á Ría de Ferrol, xa que o seu bisavó era o patrón das dúas lanchas de pasaxe que existian na ría para trasladar aos veciños dendes as dúas marxes, pon en marcha na parroquia de Barallobre, Concello de Fene tres apartamentos turísticos, vinculados coa tradición e o patrimonio mariñeiro da costa de Fene, interactuando cos distintos axentes do sector (Confraría de Pescadores de Barallobre, entre outros) e con entidades involucradas no fomento do turismo mariñeiro.

"Por todo ello, he querido preparar un lugar cálido, moderno, de calidad y céntrico, desde el que poder visitar todo nuestro territorio y haceros disfrutar de nuestra hospitalidad y gastronomía. No dejes pasar la oportunidad, ven a conocernos y nosotros haremos el resto para que quieras repetir".
Fátima Ameneiro – Directora General Apartamentos turísticos AUGA

O turismo é unha das actividades tradicionais nas comunidades costeiras, e a vinculación do turismo co sector pesqueiro, marisqueiro e acuícola, no marco das estratexias de crecemento azul, abre unha interesante fonte de oportunidades para a creación de emprego e de ingresos adicionais, sendo éste un dos motivos polo que a Consellería do Mar ten asinado dende o ano 2016 un acordo de colaboración coa Axencia de Turismo de Galicia, onde están establecidas as condicións respecto das actuacións sobre servizos e actividades turísticas que a Consellería do Mar poderá subvencionar, a través dos Grupos de Acción Local do Sector Pesqueiro (GALP) en cada un dos seus ámbitos territoriais.

No seguinte enlace podes ler a nova completa: