Dous proxectos do Golfo Ártabro Norte forman parte da segunda edición do Catálogo de Boas Prácticas en Desenvolvemento Local Participativo do FEMPA 2026, publicado pola Rede Española de Grupos de Pesca (REGP). O documento reúne 26 iniciativas de diferentes territorios costeiros de España.
Entre as experiencias seleccionadas figuran «Ostras do Ártabro» e «Ondas de saúde», dous proxectos que contaron co apoio do GALP Golfo Ártabro Norte na convocatoria de axudas FEMPA de 2025.
Ostras do Ártabro: poñer en valor os recursos do noso litoral
Promovido polas Confrarías de Pescadores de Pontedeume e Barallobre, este proxecto aposta pola valorización da ostra e polo aproveitamento dos recursos do noso litoral.
Ondas de saúde: actividade náutica e benestar
Promovido polo Club Deportivo Náutico de Miño, este proxecto combina a actividade náutica coa promoción da saúde e do benestar.
A inclusión destas iniciativas no catálogo permite dar a coñecer o traballo das entidades promotoras e compartir as súas experiencias con outros territorios pesqueiros.
Desde o GALP Golfo Ártabro Norte felicitamos ás Confrarías de Pescadores de Pontedeume e Barallobre e ao Club Deportivo Náutico de Miño por este recoñecemento.
Animámosvos a consultar o catálogo e descubrir estas e outras iniciativas de desenvolvemento local participativo vinculadas ao mar.
Ningún comentario:
Publicar un comentario