Apartamentos Turísticos "Camino do Mar" e "Auga"

Aloxamentos con encanto que están por chegar

O martes día 22 a Voz de Galicia, Edición Ferrol, fíxose eco de dúas iniciativas financiadas co Programa FEMP 2014-2020, tramitadas dende este GALP.

Apartamentos Turísticos "Camino do Mar", un novo establecemento hostaleiro de características innovadoras e únicas no territorio, vinculado coa tradición mariñeira, natural, cultural, patrimonial e turística do Camiño Inglés. Aprobado na Convocatoria 2018,

Para a posta en marcha deste proxecto, estase a rehabilitar e adaptar un inmoble do século XIX, que está na rúa da Pescadería nº 48 do Concello de Pontedeume, estando prevista a súa apertura para finais do 2019.

Apartamentos Turísticos "Auga", en Barallobre, Concello de Fene, aprobado na Convocatoria 2017, xa en funcionamento. 

Fátima Ameneiro unha muller menor de 40 anos, descendente de familia vinculada á Ría de Ferrol, xa que o seu bisavó era o patrón das dúas lanchas de pasaxe que existian na ría para trasladar aos veciños dendes as dúas marxes, pon en marcha na parroquia de Barallobre, Concello de Fene tres apartamentos turísticos, vinculados coa tradición e o patrimonio mariñeiro da costa de Fene, interactuando cos distintos axentes do sector (Confraría de Pescadores de Barallobre, entre outros) e con entidades involucradas no fomento do turismo mariñeiro.

"Por todo ello, he querido preparar un lugar cálido, moderno, de calidad y céntrico, desde el que poder visitar todo nuestro territorio y haceros disfrutar de nuestra hospitalidad y gastronomía. No dejes pasar la oportunidad, ven a conocernos y nosotros haremos el resto para que quieras repetir".

Fátima Ameneiro – Directora General Apartamentos turísticos AUGA

O turismo é unha das actividades tradicionais nas comunidades costeiras, e a vinculación do turismo co sector pesqueiro, marisqueiro e acuícola, no marco das estratexias de crecemento azul, abre unha interesante fonte de oportunidades para a creación de emprego e de ingresos adicionais, sendo éste un dos motivos polo que a Consellería do Mar ten asinado dende o ano 2016 un acordo de colaboración coa Axencia de Turismo de Galicia, onde están establecidas as condicións respecto das actuacións sobre servizos e actividades turísticas que a Consellería do Mar poderá subvencionar, a través dos Grupos de Acción Local do Sector Pesqueiro (GALP) en cada un dos seus ámbitos territoriais.

No seguinte enlace podes ler a nova completa:

La Voz de Galicia - Nova

O Vídeo de Ondas de Ilusións - Escolas do Mar

Despois do éxito da campaña no curso pasado, o Grupo de Acción Local do Sector Pesqueiro (GALP) Golfo Ártabro embarcouse nunha nova edición do proxecto educativo “ONDAS DE ILUSIÓNS: ESCOLAS DO MAR 2017-2018”. Nesta ocasión, da man dunha das grandes protagonistas da nosa ría, a Ameixa Tareixa.

Ondas de ilusións: escolas do mar é un proxecto educativo de posta en valor dos recursos mariños e coñecemento da contorna. 

Para que teñamos unha mostra das cousas que aconteceron neste Ondas de ilusións do curso 2017/2018 deixámosvos este vídeo, no que se dá conta do que aprenderon dentro e fóra da aula as alumnas e alumnos dos centros escolares Manuel Masdías de Caranza (Ferrol), As Mirandas de Ares, Eladia Mariño de Cabanas, os Casais de Fene, Isaac Peral de Ferrol, A Gándara de Narón, A Maciñeira de Neda e Couceiro Freijomil de Pontedeume.

Despedímonos ata o curso que vén. Gozade do verán!!!

Intercambio de experiencias co GALP Costa da Morte

Onte xoves día 10 a nosa Xunta Directiva estivo coñecendo algúns dos proxectos subvencionados polo Galp Costa da Morte cos fondos do Programa FEMP 2014-2020, e pretendía dar a coñecer aos membros da Xunta Directiva do Galp Golfo Ártabro Norte os proxectos subvencionados ao GALP Costa da Morte, co obxecto de ver o funcionamento doutros GALP galegos, así como un proceso de recollida de ideas para o territorio.

Taller Saberes e sabores

Saberes e Sabores

Onte as mulleres do GALP GOLFO Artabro NORTE na Aula de Cociña da Casa do Pescador de Miño con Paula Patiño de Acastrexa aprendendo a elaboración de pratos e conservas cos produtos do mar.

Obradoiro Saberes e Sabores organizado dentro do proxecto Candieira - Rede de Mulleres do Mar, no que está participando o GALP Golfo Ártabro Norte, xunto con outros GALP de Galicia

“SABERES E SABORES”, dentro deste proxecto, celebranse varias sesións. Este programa achega ás participantes coñecementos básicos para emprender nalgún proxecto de cociña local ou de transformación do produto do mar. Así mesmo, as asistentes intercambian as súas propias experiencias e contan coa visita de mulleres emprendedoras que xa iniciaron algún proxecto neste campo.

Taller EMBARCA de Saberes e Sabores

O vindeiro luns día 23 de abril retomamos o programa CANDIEIRA co Taller EMBARCA de Saberes e Sabores.

Candieira organiza en Miño un taller baixo o lema "Saberes e sabores" que achegará ás mulleres do mar e ás persoas interesadas en xeral aqueles coñecementos básicos para emprender algún proxecto de cociña local ou de transformación do produto do mar. 

Así mesmo, as asistentes intercambiarán as súas propias experiencias e contarán coa visita de mulleres emprendedoras que xa iniciaron algún proxecto neste campo.

A reunión terá lugar na sede do GALP Golfo Ártabro Norte , na Casa do Pescador de Miño (Rúa Curro, 33 Miño),  de 17:30 a 19:30 horas.

Recordamos que a participación é aberta a todas as persoas que queiran aprender ou impulsar un proxecto vinculado a este ámbito da transformación dos produtos do mar. Chama e deixa os teus datos a través do teléfono 981 784 417 ou ben envía un mail a galpgolfoartabronorte@gmail.com

Máis información deste proxecto:

Web http://www.candieira.net/ 

Páxina de facebook https://www.facebook.com/candieirarede/