27 de xuño de 2018

Ondas de Ilusións. Video resumo

O curso rematou e, con el, Ondas de ilusións. Para quen non puidestes desfrutar do programa, deixámosvos un video resumo do que aconteceu nestes últimos meses en oito escolas da comarca. Mirade cantas cousas aprenderon e que ben o pasaron as nenas e os nenos de Cabanas, Pontedeume, Ares, Neda, Fene, Ferrol e Narón!

11 de maio de 2018

Intercambio de experiencias co GALP Costa da Morte

Intercambio de experiencias co GALP Costa da Morte

Onte xoves día 10 a nosa Xunta Directiva estivo coñecendo algúns dos proxectos subvencionados polo Galp Costa da Morte cos fondos do Programa FEMP 2014-2020.




10 de maio de 2018

Taller Saberes e sabores


Saberes e Sabores

Onte as mulleres do GALP GOLFO Artabro NORTE na Aula de Cociña da Casa do Pescador de Miño con Paula Patiño de Acastrexa aprendendo a elaboración de pratos e conservas cos produtos do mar.
Obradoiro Saberes e Sabores organizado dentro do proxecto Candieira






Foto de Candieira.Foto de Candieira.


Foto de Candieira.Foto de Candieira.

16 de abril de 2018

Taller EMBARCA de Saberes e Sabores

O vindeiro luns día 23 de abril retomamos o programa CANDIEIRA co Taller EMBARCA de Saberes e Sabores.

Candieira organiza en Miño un taller baixo o lema "Saberes e sabores" que achegará ás mulleres do mar e ás persoas interesadas en xeral aqueles coñecementos básicos para emprender algún proxecto de cociña local ou de transformación do produto do mar. 

Así mesmo, as asistentes intercambiarán as súas propias experiencias e contarán coa visita de mulleres emprendedoras que xa iniciaron algún proxecto neste campo.

A reunión terá lugar na sede do GALP Golfo Ártabro Norte , na Casa do Pescador de Miño (Rúa Curro, 33 Miño),  de 17:30 a 19:30 horas.
Recordamos que a participación é aberta a todas as persoas que queiran aprender ou impulsar un proxecto vinculado a este ámbito da transformación dos produtos do mar. Chama e deixa os teus datos a través do teléfono 981 784 417 ou ben envía un mail a galpgolfoartabronorte@gmail.com

Máis información deste proxecto:

Web http://www.candieira.net/ 
Páxina de facebook https://www.facebook.com/candieirarede/ 


9 de marzo de 2018

Saberes e sabores: emprende coa cociña local e o produto do mar

Dende o GALP Golfo Ártabro Norte e a través do Programa de Cooperación CANDIEIRA - Rede de apoio e promoción das mulleres, estamos organizando un interesante programa formativo de carácter gratuíto: TRANSFORMACIÓN E CONSERVACIÓN DE PRODUTOS DO MAR: SABERES E SABORES.



Este obradoiro está aberto para todas as mulleres, sendo o único requisito, para participar que sexan do ámbito territorial do GALP Golfo Ártabro Norte: PADERNE, MIÑO, PONTEDEUME, CABANAS, ARES, MUGARDOS, FENE, NEDA, NARÓN E FERROL.

Esta acción formativa, terá unha parte teórica, outra de carácter práctico e participativo, e tamén está previsto realizar visitas e saídas a iniciativas postas xa en marcha.  Terá unha duración de 28 horas (10 horas teóricas e 18 prácticas, incluídas as visitas a experiencias e iniciativas).

As datas e horarios estableceranse segundo a dispoñibilidade dos colectivos de mulleres participantes e todas as sesións serán de carácter presencial.

Para ampliar esta información e inscribirse, pode poñerse en contacto co equipo técnico do GALP Golfo Ártabro Norte, ben a través do teléfonos 981 784 417 / 636 736 788 ou pode enviar un mail cos seus datos completos a galpgolfoartabronorte@gmail.com

OBXECTIVOS

  • Elaborar produtos alimenticios do mar empregando os métodos e técnicas adecuadas, conservadores, etc respectando as normas de calidade aplicables para a produción de alimentos.
  • Describir as diferentes técnicas de conservación nos procesos de preparación, transformación e elaboración dos alimentos.
  • Coñecer os mecanismos de comercialización e xestión dunha actividade alimentaria.
  • Identificar os elementos principais á hora de comunicar e vender un produto.
  • Coñecer de primeira man o funcionamento dunha iniciativa empresarial de conservación e transformación de produtos do mar.




26 de febreiro de 2018

Últimos días para presentar as solicitudes de axuda Programa FEMP. Convocatoria 2018


➡️AVISO IMPORTANTE
📌O noso horario ata o #xoves día 1 de marzo inclusive, será continuado dende ás⏰ 8.30 ata as 18 horas, para poder facilitar a todas as persoas que o precisen a entrega de solicitudes de axuda neste GALP de forma presencial.

📣AÍNDA ESTÁS A TEMPO de facer realidade o teu proxecto!!!.

O prazo remata este xoves 1 de marzo.

☎️981 784 417 / 636 736 788


20 de febreiro de 2018

Xornada Técnica Programa FEMP 2014-2020 na Casa do Pescador de Miño


O luns 19 de febreiro, a Casa do Pescador de Miño acolleu unha xornada técnica organizada polo equipo técnico, destinada a todas as persoas interesadas en presentar proxectos ao novo período de concesión de axudas.

O obxectivo desta xornada era darlles un asesoramento xeral e unha orientación á hora de cumprimentar as memorias das súas propostas, buscando a adaptación destas á Estratexia de Desenvolvemento Local Participativo, para a súa presentación á nova convocatoria das axudas ao grupo de acción local de pesca, Golfo Ártabro Norte, do que remata o prazo para esta convocatoria 2018 o próximo 1 de marzo.

Esta actividade forma parte do período de programación comunitario do Fondo Europeo Marítimo de Pesca para o período 2014-2020. O obxectivo do GALP é o de liderar as accións para o fortalecemento do sector pesqueiro, buscando unha estabilidade sostible.

Agradecer a todas as persoas emprendedoras que participaron nesta xornada, agardando que poidan facer realidade a súa idea e/ou proxecto neste territorio a través destas axudas do Programa FEMP 2014-2020, contribuíndo ao fomento do crecemento económico, a inclusión social, a creación e a mobilidade laboral no territorio do GALP Golfo Ártabro Norte.


16 de febreiro de 2018

Xornada Técnica: Asesoramento para presentación de solicitudes á Convocatoria de Axudas Programa FEMP 2014-2020 no ámbito territorial do GALP Golfo Ártabro Norte



O luns 19 de febreiro, na Casa do Pescador de Miño (Rúa Curro, nº33 – 15630 Miño), celebrarase unha xornada técnica co obxecto de apoiar a todas as persoas que queiran presentar unha solicitude de proxecto neste GALP, en canto aos trámites de presentación e elaboración de documentación.



O Programa de Axudas ten por obxecto financiar proxectos tanto de índole produtiva como non produtiva con fondos europeos do FEMP durante o período 2014-2020 coherentes co Plan Estratéxico elaborado para o ámbito territorial do GALP Golfo Ártabro Norte.

Esta xornada iniciarase ás 17.30 horas coa benvida a todas as persoas por parte de representantes do GALP Golfo Ártabro Norte, para a continuación iniciar a xornada técnica, onde se explicará polo miúdo como cumprimentar os diferentes formularios de solicitude de axudas, en especial o formulario da “memoria para a elaboración do Plan de Xestión” onde deberán incluír todos os datos do proxecto, tanto técnicos como económicos e o seu encaixe coa Estratexia de Desenvolvemento Local Participativo do GALP Golfo Ártabro Norte.

A actividade é gratuíta e está aberta a todas as persoas que teñan a idea de presentar un proxecto, nesta convocatoria 2018, da que remata o prazo de presentación de solicitudes o día 1 de marzo, sendo o único requisito para participar, anotarse previamente ben a través do enderezo electrónico galpgolfoartabronorte@gmail.com ou ben chamar aos teléfonos 981784417 ou 636 736 788 


Esta xornada técnica será exclusivamente de asesoramento e apoio, non de elaboración de ningún tipo de documentación a nivel particular, xa que os proxectos presentados posteriormente son analizados e avaliados polo propio equipo técnico do GALP, co obxecto de ser presentados ante a súa Xunta Directiva e posteriormente ser enviados á Consellería do Mar para a súa resolución final de concesión ou non concesión da axuda. 


6 de febreiro de 2018

Xornada de difusión axudas FEMP 2014-2020 no Concello de Fene


O martes 6 de febreiro estaremos en Fene dando a coñecer as axudas do FEMP das que xa está aberta a convocatoria 2018 para presentar solicitudes ata o 1 de marzo.

Será ás 18 horas na Casa da Cultura, que está dentro do Museo do Humor de Fene

Nesta reunión explicarase polo miúdo quen pode acceder a estas axudas, os requisitos que hai que cumprir, a tipoloxía de proxectos que se poden presentar, a intensidade das axudas que se poden recibir, os trámites a seguir e a documentación a presentar, e os prazos de presentación das mesmas, entre outros.







29 de xaneiro de 2018

Xornada difusión Axudas FEMP 2014-2020 no Concello de ARES

Xornada difusión de Axudas 2018 GALP GOLFO ÁRTABRO NORTE no Concello de ARES
O martes día 30 de xaneiro ás 18:00 horas no Edificio Alianza Aresana do Concello de Ares (Rúa María,11 – Ares) está prevista a celebración dunha reunión informativa do Galp Golfo Ártabro Norte.
Nesta reunión explicarase polo miúdo quen pode acceder a estas axudas, os requisitos que hai que cumprir, a tipoloxía de proxectos que se poden presentar, a intensidade das axudas que se poden recibir, os trámites a seguir e a documentación a presentar, e os prazos de presentación das mesmas, entre outros.

Xornada difusión Axudas FEMP 2014-2020 no Concello de MUGARDOS


Xornada difusión de Axudas 2018 GALP GOLFO ÁRTABRO NORTE no Concello de Mugardos
Hoxe día 29 de xaneiro ás 18:00 horas no Salón de Plenos do Concello de Mugardos, está prevista a celebración dunha reunión informativa do Galp Golfo Ártabro Norte.
Nesta reunión explicarase polo miúdo quen pode acceder a estas axudas, os requisitos que hai que cumprir, a tipoloxía de proxectos que se poden presentar, a intensidade das axudas que se poden recibir, os trámites a seguir e a documentación a presentar, e os prazos de presentación das mesmas, entre outros.
Máis información: https://galp.xunta.gal/